Xəbəriniz varmı: Nağd pulun üzərində 26 min fərqli - BAKTERIYA YAŞAYIR

Xəbəriniz varmı: Nağd pulun üzərində 26 min fərqli - BAKTERIYA YAŞAYIR

Dünyanı həyəcanda saxlayan epidemik xəstəliklərin yayılmasında əldən ələ ötürülən nağd pulların da rolu var.

AMVPRESS.AZ xəbər verir ki, «Mastercard»ın rəhbərliyi ilə Oxford Universitetinin alimləri tərəfindən Avropanın 15 ölkəsində aparılan araşdırma nəticəsində nağd pulların üzərində yaşayan bakteriyalar aşkara çıxarılıb. Elmi sınaqlar pul əskinaslarının üzərində 26 mindən çox bakteriyanın olduğunu sübuta yetirib. Onların arasında tənəffüs və sidik yollarına infeksiyaya səbəb olan bakteriyalar da var. 

Cüzdanınızda neçə min bakteriyanın yaşadığını bilirsinizmi?

Son zamanlar epidemik xəstəliklərin bütün dünyada narahatlıq yaratması, həmçinin virus, mikrob və bakteriyaların yayılmasında nağd pulun rolunun gündəmə gəlməsi ilə bəzi ölkələr nağd pulların ultrabənövşəyi şüalarla təmizlənməsi prosesinə başlayıb.

2013-cü ildə Mastercard və Oxford Universiteti tərəfindən həyata keçirilən araşdırma zamanı Avropadakı ortalama bir əskinasın üzərində sağlamlığa zərər vermə potensialına sahib 26 min bakteriyanın mövcud olduğunu aşkarlanıb. Eyni araşdırmaya görə hətta ən yeni əskinasın üzərində belə orta hesabla 2400 bakteriya var və onlar tənəffüs və sidik yollarının infeksiyasına səbəb ola bilər. ABŞ-da aparılmış müstəqil bir araşdırmaya görə isə soyuqdəymə kimi bir xəstəliyə yoluxmuş birinin toxunduğu pulda viruslar 12 gün boyunca yaşayır.

Oxford Universitetinin Mühəndislik üzrə Professoru Aym Tompson araşdırmayla bağlı deyib: "Avropalıların pulun çirkli olduğu barədə fikirləri səbəbsiz deyil. Əvvəllər həyata keçirilən yoxlamalar zamanı məlum olub ki, pulların üstündə xəstəliyə səbəb ola bilən Klebsiella  və Enterobacter  kimi bakteriya növləri var.

Avropanın ən vasvası xalqı Türklər imiş

Avropalılar arasında nağd pulun çirkli olmasına ən çox inanan qrup Türklərdir. Türk xalqının 86 faizi nağd pulun gigiyenik olmadığını düşünür, 40 faizi isə pula toxunduqdan sonra mütləq şəkildə əllərini yuyur. Bu faiz göstəricisi qadınlarda 45 faizə, yaşı 55-dən çox olanlarda isə 48 faizə çatır.

Türk xalqına görə, nağd pul ümumi tualetlər qədər çirklidir

Araşdırmaya qatılan Türk istehlakçılarının 88 faizi başqasının diş fırçasını istifadə etməyi və ümumi tualetləri "çirkli” olaraq qeyd edərkən, ikinci sırada 86 faizlə nağd pulla təmasda olmaq gəlir. Nağd pulun ardınca isə kağız dəsmal paylaşmaq, ictimai nəqliyyat vasitələri, qapı dəstəkləri, bilet kassaları və avtomat maşınlar gigiyenik olmayan obyektlər və şəraitlər olaraq adlandırılır. Pulun çirkli olmasına inam qadın istehlakçılar arasında 91 faizə çatır.

Nağd Pul Əvəzinə Kart İstifadəsi Daha Gigiyenikdir

Türk xalqının 99 faizi gigiyena şərtlərini yaxşılaşdırmaq üçün həyat tərzlərində dəyişikliklər etməyə hazır olduqlarını bildirir. Nağd pulun əvəzinə hansı alternativ ödəmə üsuluna üstünlük verəcəkləri soruşulan Türk istehlakçılar, Avropadakı digər istehlakçılardan fərqli olaraq öncəliyi təmassız kartlara verəcəklərini (66 faiz) deyir. Bununa ardınca 63 faizlə kredit kartı, 41 faizlə onlayn ödəmə və 26 faizlə mobil ödəmə gəlir. 

Araşdırmanı aparan Mastercard haqqında

Mastercard, ödəniş sistemi sahəsində fəaliyyət göstərən qlobal texnologiya şirkətidir. Dünyanın ən sürətli ödəniş əməliyyatları şəbəkəsinə sahib olan Mastercard, 210-dan çox ölkədə istehlakçılar, maliyyə qurumları, iş yerləri, dövlət və özəl sektoru bir-birinə bağlayır. Mastercard-ın təqdim etdiyi məhsullar və həllər sayəsində alış-veriş, səyahət, iş və maliyyə idarəçiliyi kimi gündəlik ticari fəaliyyətlər hər kəs üçün daha asan, təhlükəsiz və faydalı olur.

AMVPRESS.AZ

Xəbər lenti